الدبابات في نفود ثرمداء

[أبومرام]

طيب المفروض يخفّض السعر شوي , أو إذا زادت المدة يرخص الأجار ....

عموماً بالتوفيق له والله يستر على الجميع, ولعلّها بداية خير لمنتزه القاع ومنتزه الخوينق.

أبو مرام , طمّنا . وشلون أحمد ولد أخوك الآن؟؟

مصدق الزول يمشي على التسعيره
الشباب مبصوطين جداً
يقولون ربع ساعة ولايرجعون إلا بعد ساعة
والزول يناديهم ويمشي على رجليه حتى يرجعهم
أبشرك ابن أخي أحمد طيب ونفسيته زينه بس الصيخ مستمر في ظهره مدى الحياة
**** هذه المشاركة ** تم دمجها تلقائيا ً ** للرغبة في عدم الدمج يرجى الإنتظار 7 دقائق ** - إدارة الموقع - ****

يا زين نفود ثرمداء من دون إزعاج ولا تخريب لا ومن شقرا بعد ياليت واحد من الديرة كان أصرف

هلا بالأستاذ سوالف
كلامك صحيح
لكن الصيف مافي النفود أحد
وربما لوكان المستثمر من أهالي ثرمداء
ماشفنا الزحمة مثل أمس
والشباب ماسكين سرى وينتظرون دباب يوقف

[أبومرام]

الدبابات تغادر نفود ثرمداء
اليوم الثلاثاء 1/8/1428هــ
والزول يقول اليوم ماشفت ولاريال واحد
وكل عام وأنتم بخير

[جرح ينوح]

سبحان الله لو كنتوا في الطايف أو غيرها وصارت الساعة بمية ريال ماخالفتوا والله أكبر عليكم وش بيخرب في النفود رمل ممتد
لكن سبحان الله هذي مشكلتنا في ثرمداء لا تشجييييييع على طول تحطييييييم واختلاق أشياء مالها أساس من الصحة
الله يخلف عليك ياثرمداء وبس
من جد شي يبط الكبد وياقلب لا تحزن..

[الإمبراطور]

ابو مرام انا اول واحد يجي لم السوداني
وقالي انهم مستقرين في ثرمداء وكفيله شيباني من شقراء واللي على طريق الحمادة له

وأسعارك غلط ربع ساعة بـ15
ونص ساعة بـ 20
والساعة بـ 40

تحياااااااااتي

[أبـوسـلـيـمـان]

عسى الأمر فيه خيره إن شاء الله لأهل ثرمداء ، ونفود ثرمداء نفود بكر

[أبومرام]

ابو مرام انا اول واحد يجي لم السوداني
وقالي انهم مستقرين في ثرمداء وكفيله شيباني من شقراء واللي على طريق الحمادة له

وأسعارك غلط ربع ساعة بـ15
ونص ساعة بـ 20
والساعة بـ 40

تحياااااااااتي

مشكور على المشاركة
والزول يسلّم عليك
شدّ من ثرمداء

[الإمبراطور]

اي والله يا أبو مرام شد اليوم العصر رايح ولا شفته


وش فيه راح ؟؟؟؟