@قصيده بعنوان الاء ياهل الغرام@

[الزير سالم]

[ألا ياهل الغرام الضحك وينه والسعاده وين

عسى الله يقطع الفرقى وساعتها وطرياها

أحس بوسط قلبي جرح يشبه طعنت السكين

وأحس بوسط كبدي جمره تحـــــرق ثناياها

وأحس بداخلي ضيقه غريبه من ثلاث سنين

وأحس ان الزمن كشر بنيابه من يوم فرقاها

وأنا لو اني شكيت الي بقلبي للجبال تلين

وأنا أني لو شكيـت للســـــــــحايب نثرت ماها

ترى ماهمني حمل المحبه لوغدى حملين

أنا قد الحمول الجيرات وقد بلــــــــــــــــــــواها

ولو صارت ضلوعي من حمل الغرام طحين

أنا مثل الجبال الراسيه ما اهتز مرســــاها

صبور ولو يدور الوقت فيني والزمان يشين

حرام اني لصون اسرار قلبي داخل خفاياها

علي بنذر وبرقبتي ومني حلف معه يمين

لموت ولادرو وين ديرتها ومنشأهــــــــــــا

أبكتم سرها في وسط قلبي ولو يطول البين

أبحفضها عن الصدقان والعدوان وأحماهـــا

غلاها بالضمير وقدرها العالي بوسط العين

وانا لولا غلاها ماجفيت الخلق لرضاهـــــا

تحملت الجروح ولوعت الفرقى وبعد الزين

أحن لصوتها وأحزن لطاريها وذكراهــــــــــا

عليها الوم من غربي وطنا الي حدود الصين

وقول عسى الله لا يواخذها بغلطتها ويجزاهـا

أبصبر وأتحمل وأتجمل في القسي والين

وأقول عسى الله يوفقها عدد ماسارت أخطاهــا

أنا ليش اتبع المقفين وأشحد رحمت المقفين

وأنا من روس قوم تستر الزله وترفاهـــــا

رجال يفزعون ويحمون وينصرون الدين

علي درب الهدى والخير والفزعات ممشاهـــا

هم الي يطعمون ويرحمون العاجز المسكين

لهم سيره قديمه ومن جهل بالعرف يقراها


وعلي سود الليالي والمحبه والفراق الشين

دعيت الله يعين ويكشف الضيقه ويجلاهـــا


ويعين الصابرين الي علي درب الشقى ماشين
وثلاث سنين وهموم الزمن تزيد ممشاها


القصيده للشاعر فيصل بن خلف بن هذال العتيبي@ وغناهاء الفنان نواف منيف@

[الأميرة]

الله يعطيك العافية

يالزير سالم